Explore

މާސްޓަރ އޮފް ޓީޗިން ދިވެހި ލޭންގުއޭޖް  ޕޮރޮގްރާމަކީ، ދިވެހިރާއްޖޭގެ ތަޢުލީމީ ނިޒާމުގެ ތެރެއިން އުނގަންނައިދިނުމާއި، މުޤައްރަރަށް އަންނަމުންދާ ފަހުގެ ގޮންޖެހެވެނިވި ބަދަލުތަކަށް ރިޢާޔަތްކޮށް އެ ކަންކަމަށް މުދައްރިސުން އަހުލުވެރިކުރެވޭނެ މަގުކަށަވަރުކޮށް، ޤާބިލު މުދައްރިސުންތަކެއް އުފެއްދުމުގެ މަޤުޞަދު ޙާސިލުކުރެވޭނެގޮތަށް ފަރުމާކޮށްފައިވާ ޕޮރޮގްރާމެކެވެ. ސެކަންޑަރީ އަދި ހަޔަރ ސެކަންޑަރީ ގްރޭޑްތަކަށް ކިޔަވައިދެވޭނެ ފެންވަރުގެ ޓީޗަރުން ބިނާކުރުމަށް އަމާޒުކުރާ މި ޕްރޮގްރާމުގެ ޒަރިޢްޔާއިން، ދަރިވަރުން އަހުލުވެރިކުރެވޭނޭ ދާއިރާތަކުގެތެރޭގައި، ދިވެހި ބަހުގެ އޮނިގަނޑާއި ބަހުގެ ހަމަ، ދިވެހި ބަހުގެ އަދަބިއްޔާތު،  އަދި ދިވެހި ތާރީޚާއި އާދަކާދަ ހިމެނެއެވެ. މީގެ އިތުރަށް އުނގެނުމާއި އުނގަންނައިދިނުމުގެ އެންމެފަހުގެ ނަޒަރިއްޔާތަކާއި އުކުޅުތަކަށް ލޯހުޅުވުމަށް ވެސް މަގުފަހިވެގެންދާނެއެވެ. ޖުމުލަގޮތެއްގައި، ތަޢުލީމީ ދާއިރާގައި ހުރި ގޮންޖެހުންތަކާއި ކުރިމަތިލާނެ ޤާބިލުކަން މިޕްރޮގްރާމް ފުރިހަމަ ކުރާ ދަރިވަރުންނަށް އުނގަންނައިދެވިގެންދާނެއެވެ.

ތަޢުލީމީ ދާއިރާގައި މަސައްކަތް ކުރައްވަމުން ގެންދަވާ ފަރާތްތަކަށް އިތުރު ފުރުޞަތުތައް ފަހިކޮށްދިނުމުގެ މަގްޞަދުގައި މާސްޓާރސް ޕްރޮގްރާމުގެ 60 ކްރެޑިޓް ފުރިހަމަ ވުމުން ދަރިވަރުންނަށް ޕޯސްޓް ގްރެޑުއޭޓް ސެޓްފިކެޓް އިން އެޑިއުކޭޝަން އިންޓަރިމް އެވޯޑެއްގެގޮތުގައި އެރުވިގެންދާނެއެވެ. މި އިންޓަރިމް އެވޯޑަކީ އުނގަންނައި ދިނުމުގައި  ބޭނުން ހިފަންޖެހޭ އުސޫލުތަކާއި ހުނަރުތައް އަދި  ސުކޫލް ފެންވަރުގައާއި، ޢަމަލީ މައިދާނުގައި ޢިލްމީ ދިރާސާ ކުރުމުގެ ޤާބިލުކަން ލިބިދިނުމަށް ތައްޔާރު ކުރެވިފައިވާ އެވޯޑެކެވެ.