ކާމިޔާބުކަމާއިއެކު މި ޕްރޮގްރާމް ފުރިހަމަ ކުރުމުން ތިރީގައިވާ ކަންތައްތައް ދަރިވަރުންނަށް ޙާޞިލުވާނެއެވެ.
ތަފާތު ޙާލަތްތަކުގައި ކިޔަވައި ދިނުމުގައި ކުރިމަތިވާ މައްސަލަ ތަކަކީ ކޮބައިކަން ދެނެގަނެ އެކަމާ ގުޅުންހުރި ކަންކަން ފާހަގަ ކުރާނެ ގޮތްތަކަށް ޝައުގުވެރި ކުރެވޭނެއެވެ. އަދި ފަންނީ ގޮތުންނާއި، ދިރާސާގެ ތެރެއިން ކަންކަން ދެނެގަންނާނޭ ގޮތްތައް ދަސްކޮށްދެވޭނެއެވެ.
އުނގަންނައިދިނުމާއި، އިސްނަގައިގެން މިނިވަންކަމާ، ހުނަރުވެރިކަމާއެކު ކަންކަން ޒިންމާދާރުކަމާއެކު ކުރާނޭގޮތްތައް ދަސްވާނެއެވެ.
ޢުލޫމުލް ޤުރްއާނާ ގުޅުންހުރި އެކިއެކި ބައިތައް ދެނެގަނެވި އެ ޢިލްމު އުނގެނުމުގެ އަހައްމިއްޔަތާއި ފައިދާތައް ދެނެގަތުމުގެ ޤާބިލްކަން އުފެދިގެންދާނެއެވެ.
އިސްލާމްދީނުގެ ޙުކުމްތަކުގެ މަޞްދަރުތައް އަމިއްލައަށް ދިރާސާކޮށް، އެ މަޞްދަރުތަކުގެ ޙުއްޖިއްޔަތު ދެނެގަނެވޭވަރުގެ ޢިލްމީ ޤާބިލިއްޔަތުކަން ލިބިދެވޭނެއެވެ.
އިޖްތިމާޢީ އަދި އިޤްތިސާދީ ޙަޔާތެއް ބިނާކުރުމުގައި އެއްބަޔަކު އަނެއްބަޔަކާއި މުޢާމަލާތުކޮށް ހަދާއިރު، ދީނީގޮތުންނާއި ޝަރުޢީގޮތުން ހިފަހައްޓަންޖެހޭ މައިގަނޑު ހަމަތަކާއި އުޞޫލުތައް އެނގިގެންދާނެއެވެ