ކާމިޔާބުކަމާއިއެކު މި ޕްރޮގްރާމް ފުރިހަމަ ކުރުމުން ތިރީގައިވާ ކަންތައްތައް ދަރިވަރުންނަށް ޙާޞިލުވާނެއެވެ.
-ޢުލޫމުލް ޤުރްއާނާ ގުޅުންހުރި އެކިއެކި ބައިތައް ދެނެގަނެވި އެ ޢިލްމު އުނގެނުމުގެ އަހައްމިއްޔަތާއި ފައިދާތައް ދެނެގަތުމުގެ ޤާބިލްކަން އުފެދިގެންދާނެއެވެ.
-ޤުރުއާނުގެ އަލީގައި، ފިޤުޙީ މައްސަލަތައް ދަނެގަނެގަތުމަށް މަގުފަހިކުރުމުގެ އިތުރުން، ޤުރުޢާނުގެ އަލީގައި، ފިޤުހީ ވާހަކަތައް ތަޢާރަފްކުރެވޭނެއެވެ.
-ޤުރުއާނު ޢިލްމުވެރީންގެ ރަޢުޔުތައް އަޅައިކިޔައި، ވަޒަންކޮށް، ޤުރުއާނުގައިވާގޮތަށް ނެރެވޭ ރަޢުޔުތައް ދިފާޢުކުރުމަށް އަހުލުވެރިކުރެވޭނެއެވެ.
-ޤުރުއާނާއި މެދުއުފެދިފައިވާ ދެބަސްވުންތަކާއި އަދި ޤުރުއާނާއި ބެހޭގޮތުން ޝައްކު އުފެދޭގޮތައް ދެކެވޭ ވާހަކަތަކާއި ގުޅޭމައްސަލަތައް ވަރަށް ވިސްނުންތެރިކަމާއި ހިކުމަތްތެރިކަމާއި އެކު ހައްލުކުރުމުގެ ހުނަރުތައް ދަސްކޮއްދެވޭނެއެވެ.
-އިޖްތިމާޢީ އަދ ސުލޫކީ ހަމަތަކަށް ޒިންމާދާރުވާން ދަސްކޮށްދެވޭނެއެވެ. އެގޮތުން އާއްމު ދިރިއުޅުމުގައި ގުރުއާނުން އެނގެންހުރި ސުލޫކީމިންގަޑުތައް ބޭނުންކުރުމަށް ބާރުއަޅާ، އަދި ދަސްކޮށްދެވޭނެއެވެ.
-ތަފާތު ޙާލަތްތަކުގައި ކިޔަވައި ދިނުމުގައި ކުރިމަތިވާ މައްސަލަ ތަކަކީ ކޮބައިކަން ދެނެގަނެ އެކަމާ ގުޅުންހުރި ކަންކަން ފާހަގަ ކުރާނެ ގޮތްތަކަށް ޝައުގުވެރި ކުރެވޭނެއެވެ. އަދި ފަންނީ ގޮތުންނާއި، ދިރާސާގެ ތެރެއިން ކަންކަން ދެނެގަންނާނޭ ގޮތްތައް ދަސްކޮށްދެވޭނެއެވެ.
-އުނގަންނައިދިނުމާއި، އިސްނަގައިގެން މިނިވަންކަމާ، ހުނަރުވެރިކަމާއެކު ކަންކަން ޒިންމާދާރުކަމާއެކު ކުރާނޭގޮތްތައް ދަސްވާނެއެވެ.