Explore

ޕްރޮގްރާމުގެ މަޤްޞަދުތައް

-ކާމިޔާބު ކަމާއެކު މިކޯސް ފުރިހަމަކުރާ ދަރިވަރުންނަށް ތިރީގައި ބަޔާންކުރާ ކަންކަން ޙާޞިލު ވާނެއެވެ.

-ދިވެހި މުދައްރިސެއްގެ ގޮތުން ހަރަކާތްތެރި ވުމަށް ބޭނުންވާނޭ މިންވަރަށް މާއްދާ އޮޅުން ފިލާފައި ވުމާއިއެކު، ކިޔަވައި ދިނުމަށް ބޭނުންވާ ޕެޑަގޮޖިކަލް ނޮލެޖާއި ހުނަރު ލިބުން؛

-ދިވެހި ބަހުގެ ޤަވާއިދާއި ހަމަތައް އަދި އަދަބިއްޔާތާއި ގުޅޭ މުހިއްމު މަޢުލޫމާތުތައް އެނގި ބޭނުން ހިފުން؛

-ދިވެހި ތާރީޚާއި ޘަޤާފަތުގެ މުހިއްމު ބައިތައް އެނގުމާއިއެކު ކިޔަވައިދިނުމުގައި މި ބައިތައް ހިމަނައިގެން ކިޔަވައިދިނުން ކުރިއަށް ގެންދިއުން؛

-ކިޔަވައި ދިނުމާއި ގުޅޭ މުހިއްމު ތިއަރީތައް އޮޅުން ފިލާފައި ވުމާއެކު މި ތިއަރީތައް ބޭނުންކޮށްގެން ކިޔަވައިދިނުމުގެ މާހައުލު ބައްޓަން ކުރާނޭ ގޮތާއި ކިޔަވައިދިނުން ކުރިއަށްގެންދާނޭގޮތް ދަސްވުން ؛

-ޤައުމީ މަންހަޖުގެ މަޤްޞަދުތައް ޙާޞިލު ކޮށް 21 ވަނަޤަރުނަށް ބޭނުންވާނޭ ހުނަރުތައް ދަރިވަރުންގެ ކިބައިގައި އަށަގެންނެވޭނޭ ގޮތަށް މާއްދާގެ ކިޔަވައިދިނުން ރޭވުމާއި، މެޓީރިއަލް ތައްޔާރު ކުރުމާއި، ކިޔަވައިދިނުން ބައްޓަންކުރަން އެނގުން؛

-އައި.ސީ.ޓީގެ އެހީގައި ދިވެހި ބަސް ކިޔަވައިދިނުމަށް ބޭނުންވާނޭ ހުނަރާއި ޤާބިލިއްޔަތު ލިބުން؛

-ތަފާތު އެކިފެންވަރުގެ ކުދިންނާއި ޙާއްޞަ އެހީއަށް ބޭނުންވާ ކުދިންނަށް ކިޔަވައި ދިނުމުގައި އެ ދަރިވަރުންގެ ބޭނުންތަކަށް ސަމާލުކަން ދިނުމާއެކު، އެ ދަރިވަރުން ބައިވެރިކޮށްގެން ކިޔަވައިދިނުން ކުރިއަށް ގެންދިއުމުގެ ހުނަރާއި ޕްރޮފެޝަނަލް ޤާބިލިއްޔަތު ލިބުން؛

-ޤައުމީ މަންހަޖުގައި ކަނޑައެޅިގައިވާ ލަނޑުދަނޑިތައް ދެނެގަނެ، މާއްދާގެ މަޤްޞަދު ތަކާއި، ސަކްސެސް ކްރައިޓީރިއާ ތަކަށް ރިއާޔަތްކޮށް އެސެސްމެންޓް ކޮމްޕޯނަންޓްތައް ފަރުމާކޮށް، ކުރިއަށް ގެންދަން އެނގުން؛

-ކިޔަވައިދިނުމުގައި ރިފްލެކްޓިވް ޕްރެކްޓިސް ބޭނުންކުރުމާއެކު އަމިއްލަ ޕްރޮފެޝަނަލް ކުރިއެރުމަށް މަސައްކަތް ކުރުން؛

-އެހެން މީހުނާއި ގުޅިގެން ޒިންމާދާރުކަމާއިއެކު ކިޔަވައިދިނުމުގެ ރޮނގުން ކުރިއަށްދިޔުމުގެ ގާބިލްކަންލިބުން.